«Դասավանդի՛ր, Հայաստան»-ի Nation-Builders ծրագիրը բոլոր շահագրգիռ անձանց եւ կազմակերպությունների՝ անկախ իրենց աշխարհագրական տեղակայությունից, հնարավորություն է ընձեռում նպաստել Հայաստանի զարգացմանը՝ կրթության ոլորտում ներդրում կատարելով։ Ծրագրի շրջանակում որպես Nation-Builder, մեր աջակցությամբ երկու Ուսուցիչ-առաջնորդներ կտեղակայվեն Հայաստանի երկու գյուղական դպրոցներում մեկ ուսումնական տարով։ Երկու Ուսուցիչ-առաջնորդներն էլ բռնի տեղահանվել են Արցախից 2023 թվականի սեպտեմբերին: Նրանք այժմ ապրում են Հայաստանում եւ «Դասավանդի՛ր, Հայաստան»-ի աջակցությամբ վերատեղակայվել են Արմավիրի եւ Կոտայքի մարզի դպրոցներում։

«Դասավանդիր Հայաստան»-ը մեծ ազդեցություն տարածող հասարակական կազմակերպություն է, որը հանձնառել է փոխակերպել կրթությունը Հայաստանում: Նրանց առաքելությունը պարզ է՝ վերացնել խոչընդոտները եւ ստեղծել հավասար կրթական հնարավորություններ յուրաքանչյուր երեխայի համար՝ անկախ նրանց սոցիալ-տնտեսական ծագումից: «Դասավանդիր Հայաստան»-ը հավաքագրում ու վերապատրաստում է բացառիկ շրջանավարտների եւ մասնագետների, որոնք դառնում են Ուսուցիչ-առաջնորդներ եւ առնվազն երկու տարի դասավանդում են Հայաստանի գյուղական համայքների ամենաանապահով հանրային դպրոցներում:

Երկամյա ծրագիրն ավարտելուց հետո, Ուսուցիչ-Առաջնորդները դառնում են Շրջանավարտ-դեսպաններ, որոնց մեծ մասը շարունակում է աշխատել կրթության ոլորտում։ Այս կերպ «Դասավանդի’,ր Հայաստան»-ը լրացնում է ուսուցիչների պակասը Հայաստանի գյուղական համայնքներում եւ վերափոխում է դասավանդումն ու ուսումը ողջ երկրում։

«Դասավանդի’,ր Հայաստան»-ը հիմնադրվել է 2013 թվականին եւ 2017 թվականից գործել է նաեւ Արցախում։ Հավանաբար կհիշեք, որ 2023 թվականի օգոստոսին միասին նախաձեռնել էինք արշավ՝ դառնալու Արցախի երեք դպրոցական համայնքների Nation-Builder: Ցավոք սրտի 2023 թվականի սեպտեմբերի իրադարձությունների պատճառով ստիպված եղանք դադարեցնել այդ արշավը։

Այսօր եւս մեկ անգամ դիմում ենք Ձեզ աջակցության համար, քանի որ վերսկսում ենք նախագիծը, որպեսզի մեկ տարի ֆինանսավորում ապահովենք Արցախից տեղահանված երկու նվիրյալ Ուսուցիչ-առաջնորդի համար: Այս երիտասարդները չնայած բոլոր դժվարություններին, այժմ իրենց կարողություններն են ներդնում Հայաստանի, ինչպես նաեւ իրենց հայրենիքից տեղահանված երեխաների կրթության մեջ։

Ձեր աջակցությունն ու ներդրումը մեկ տարուց ավելի երկար ազդեցություն է ունենալու: Գիտելիքն ու ոգեւորությունը, որ այս Ուսուցիչ-առաջնորդները փոխանցում են իրենց աշակերտներին՝ նրանց ուղեկցելու է դեռ երկար տարիներ։ Միանալով «Դասավանդի’,ր Հայաստան»-ի Nation-Builder ծրագրին՝ Ayo!-ի ընտանիքը նպաստում է բարեփոխման, զորեղացման եւ առաջընթացի հաստատմանը։