«Վանաձորի տարեցների տունը» կառուցվել է 1993 թվականին` Խորհրդային Միության փլուզումից, Արցախի պատերազմից և 1988 թվականին ավերիչ երկրաշարժից կարճ ժամանակ անց, երբ շատ երիտասարդներ աշխատանք գտնելու նպատակով երկրից արտագաղթեցին ` մեծահասակներին թողնելով առանց ընտանեկան աջակցության: «Վանաձորի տարեցների տունը» կառուցվեց այդ խնդիրը լուծելու համար եւ օգնելու նրանց, ովքեր դրա կարիքն ունեին: Հայ օգնություն ֆոնդը սկսեց աջակցել «Վանաձորի տարեցների տանը» 2002 թվականին: «Վանաձորի տարեցների տուն» Հայաստանում մեծահասակների համար նախատեսված միակ մասնավոր հաստատությունն է, որը կառավարության կողմից ընդունվել է որպես տարեցներին ծառայություններ մատուցող հաստատություն:

Հաստատության հիմնական նպատակն է՝

• սոցիալապես ծանր վիճակում գտնվող մեծահասակներին ապահովել լիարժեք խնամքով և ապրուստի բարվոք պայմաններով,

• աջակցել և օժանդակել մեծահասակներին, որ նրանք ապրեն արժանապատվորեն և զգան հասարակության լիարժեք անդամ:

«Վանաձորի տարեցների տունը» հոգում է իր բնակիչների բոլոր կարիքները՝ տրամադրելով երեքանգամյա սննդարար ուտելիք, առողջական խնամք, հոգեբանական խորհրդատվության, ինչպես նաև կազմակերպում է տարատեսակ միջոցառումներ, որպեսզի մեծահասակները իրենց ներգրավված զգան և համայնքի մի մասը կազմեն: Քանի որ «Վանաձորի տարեցների տան» բնակիչների թիվը ժամանակի հետ ավելացել է, իսկ պայմանները մնացել են նույնը, նոր անկողնային պարագաների կարիք է առաջացել, ներքնակներ, բարձեր և տաք ձմեռային ծածկոցներ:

«Այո»-ում մենք հավատացած ենք, որ ավագ սերնդի ներկայացուցիչները պետք է ունենան ապրեն արժանապատիվ կյանք: «Վանաձորի տարեցների տան» բնակիչներից շատերը վետերաններ են, մարդիկ, որոնք մեծացրել են մեզ և օգնել դառնալ այն, ինչ կանք հիմա: Մենք կարծում ենք, որ պետք է հատուցել և հոգ տանել նրանց մասին ճիշտ այնպես, ինչպես նրանք են դա արել մեզ համար: