Սկսած 2014թ.-ից ՀՀ կառավարության հետ համատեղ ՄԱԿ-ի Պարենի համաշխարհային ծրագիրն իրականացնում է «Հայաստանում դպրոցական սննդի ծրագիրը»։ Նախագիծն ուղղված է ՀՀ մարզերում դպրոցականների համար հավասարակշռված, առողջ սննդի ապահովմանը, ինչպես նաև հասանելի և կայուն դպրոցական սննդի Ազգային ծրագրի ստեղծմանը։ Ծրագրի նպատակն է եղել ապահովել, որ երեխաները դպրոցում ամեն օր առնվազն մեկ անգամ տաք եւ սննդարար կերակուր ստանան: Այս տարիների ընթացքում վերանորոգվել են Հայաստանի տարբեր մարզային դպրոցների ճաշարաններ։ Առաջիններից ծրագրին միացած Վայոց Ձորում տասնյակ դպրոցներ 2020 թթ. հնարավորություն ունեցան մարզպետարանների և ՄԱԿ ՊՀԾ աջակցությամբ վերանորոգել ճաշարաններն ու խոհանոցային տարածքները, ինչպես նաև զինվել հիմնական խոհանոցային սարքավորումներով: Այս պահին բոլոր դպրոցները գրեթե պատրաստ են տաք եւ առողջարար կերակուր մատուցել իրենց աշակերտներին, բայց կա մեկ խնդիր. նրանք դեռ պետք է ձեռք բերեն ճաշարանի կահույք եւ խոհանոցային պարագաներ և սպասք: Այդ իսկ պատճառով երեխաներին այժմ մատուցվում է չոր սնունդ՝ հիմնականում քաղցրավենիք: Ձեր օգնությամբ մենք պատրաստվում ենք կահավորել այս դպրոցական ճաշարաններից 10-ը, որպեսզի նրանք կարողանան առողջ սնունդ մատուցել թվով 462 երեխաներին: Մենք ֆինանսավորելու ենք դպրոցները հերթով.