Հրազդանի Երեխաների աջակցման կենտրոնը Հրազդանի և շրջակա գյուղերում ապրող հաշմանդամություն ունեցող երեխաներին ապահովում է կրթական, առողջապահական և սոցիալական խնամքով: ՀՀ կառավարությունը և Կոտայքի մարզպետարանը խրախուսում են կենտրոնի շարունակական գործունեությունը, քանի որ դրա գոյությունը շատ կարևոր է, սակայն պետական բյուջեում առկա ֆինանսները բավարար չեն դրամական աջակցության համար:

Կենտրոնի կարիքները հոգալու համար, Հրազդանի քաղաքապետարանը կենտրոնին 10 տարվա ժամկետով տարածք է տրամադրել: Հայաստանում ԱՄՆ դեսպանության և այլ աջակիցների շնորհիվ կենտրոնը կարողացել է իրականացնել շենքի վերականգնողական և վերանորոգման աշխատանքները: Կենտրոնի աշխատանքը շատ կարևոր է: Նրանք պետք է շարունակեն իրենց աշխատանքը 3-ից 18 տարեկան հաշմանդամություն ունեցող երեխաներին ամենօրյա աջակցություն ցուցաբերելու գործում: Հաշմանդամություն ունեցողների սոցիալական խնդիրները հոգալու հարցում մարզերը այնքան էլ զարգացած չեն, ինչի արդյունքում նրանցից մեծ մասը չի ստանում համապատասխան աջակցություն, և հաշմանդամություն ունեցող թե՛ երեխաները, թե՛ մեծահասակները հաճախ մեկուսացված են իրենց համայնքից:

Հայաստանում ապրող հաշմանդամները կարիք ունեն կրթական աջակցության, որպեսզի սովորեն թե ինչպես ամբողջովին ներգրավված լինել համայնքում: Շատերը կարիք ունեն սովորելու այդ հմտությունները, որպեսզի կարողանան ազատ շփվել հանրության հետ: Որոշ հմտություններ ձեռք բերելով, նրանք կկարողանան դառնալ համայնքի ավելի ակտիվ մասնիկ եւ լինել ավելի անկախ։

Հրազդանի երեխաների աջակցման կենտրոնը կշարունակի աջակցել հաշմանդամություն ունեցող երեխաներին: Պրոֆեսիոնալ բժիշկները, ֆիզիոթերապևտները և սոցիալական աշխատողները կտրամադրեն հիմնական կրթության, ինտելեկտուալ խաղերի, ֆիզիկական կրթության, արվեստի և պարի դասընթացներ, ինչպես նաև կխրախուսեն ծնողներին: Կենտրոնի շատ սաներ նախկինում չեն հաճախել դպրոց, եւ այդ դասընթացները պարզապես անհրաժեշտ են նրանց ինտելեկտուալ զարգացման համար: Ֆիզիկական դասընթացներն էլ օգնում են երեխաներին անել բազում վարժություններ, որոնք հատկապես ձմռան ամիսներին հնարավոր չէ կատարել այլ վայրերում:

Անցյալ տարի կենտրոնն ընդունել է 147 երեխայի, 37 նոր երեխա գրանցվել է հաջորդ տարվա համար: Կենտրոնի նպատակն է, որպեսզի երեխաները հաճախեն և՛ կենտրոն, և՛ դպրոց: Այժմ կենտրոնի սաների 58% հաճախում է նաև դպրոց: 28 երեխա գնաց դպրոց կենտրոն այցելելուց հետո, և 15 երեխայի արդեն հաջողվել է հաղթահարել խոսակցական խնդիրները: Կենտրոնի հիմնական նպատակն է կրկնապատկել այդ արդյունքը հաջորդ տարիների ընթացքում:

«Այո»-ն սկսում է ծայրահեղ անհրաժեշտության համար նախատեսված միջոցներ հավաքագրել Հրազդանի համար: Կենտրոնը ստիպված էր դադարեցնել իր գործունեությունը 2017թ-ի հունվարի 1-ից, և Հայ օգնության ֆոնդն սկսել է աջակցել կենտրոնին՝ տրամադրելով ֆինանսական օգնություն մոտակա երեք ամիսների համար, միչև մեզ կհաջողվի հավաքագրել ծրագրի համար նախատեսված ամբողջական գումարը:

Ավելին, ՀՕՖ-ը կկենտրոնացնի իր պրոֆեսիոնալիզմն ու ռեսուրսները, որպեսզի կենտրոնին տրամադրվեն անվճար դասընթացներ և մեթոդոլոգիական առաջնորդություն`օգնելով կենտրոնին իրականացնել հանրային իրազեկության և դրամահավաքների արշավների միջոցառումներ: Այն նաև կօգնի կենտրոնանալ ծնողների հմտությունների զարգացման վրա և կզարգացնի ցանկացած պահանջվող այլ հմտություն: Այս ամենը ներդրումը կդարձնի ավելի շարունակական և արժեքավոր, քանի որ աջակցելով կենտրոնին ամրապնդել իր կարողությունները, մենք ապահովում ենք նաեւ ավելի մեծ արդյունք ապագայում: