Հայատանի մայրաքաղաք Երևանում կյանքը շատ տարբերվում է երկրի այլ մասերից: Այստեղ ամեն ինչ ավելի արագ է զարգանում և երեխաները կրթություն ստանալու և աշխատանք գտնելու ավելի մեծ հնարավորություններ ունեն: Սակայն Երևանից արդեն փոքր-ինչ դուրս, իրավիճակը այդպիսին չէ: Այդտեղ կյանքը հին հունով է ընթանում, և աղքատության մեջ ապրելը ավելի բնական վիճակ է, քան բացառություն: Հաճախ այստեղ բնակվող երեխաներին այդպես էլ առիթ չի լինում ծանոթանալ և տեսնել կյանքն իրենց գյուղից դուրս:

«Նվերներ դպրոցականներին» ծրագրի շրջանակներում երևանյան դպրոցների մոտ 600 աշակերտ հնարավորություն կունենա մասնակցելու Ամանորյա նախաձեռնությանը: «Այո»-ն համագործակցում է Երևանի 6 դպրոցի հետ, ինչի շնորհիվ այս դպրոցների երեխաները «կոշիկի տուփ»-ի չափսի նվերների տուփեր կպատրաստեն Լեռնային Ղարաբաղում ապրող իրենց հասակակիցների համար: Տուփերի պարունակությունը կկազմեն շատ օգտակար պարագաներ, ինչպիսիք են՝ գրենական պիտույքներ, հիգիենայի պարագաներ (ատամի մածուկ, ատամի խոզանակ, օճառ, սանր), խաղալիքներ, քաղցրավենիք և անձնական նամակ Երևանի երեխայից` ԼՂՀ դպրոցականին: Նվերները կտրամադրվեն Լեռնային Ղարաբաղի 7-9 տարեկան երեխաներին, որոնք հաճախում են 1-ին, 2-րդ և 3-րդ դասարաններ:

Ընդհանուր առմամբ 1800 երեխա կմասնակցի այս ծրագրին: Երեխաներին այսօրինակ հնարավորություն ընձեռելը, որպեսզի նրանք միմյանց հետ շփվեն, կօգնի զարգացնել նրանց գիտակցությունն ու ընկալումը այլ համայնքների միջավայրի մասին, ինչն էլ ստեղծի փոխադարձ շահութաբեր կապ: Գյուղի երեխաները հավատացած կլինեն, որ ինչ-որ մի տեղ իրենց մասին հոգ տանող կա:

Երեխաները ձևավորվում են իրենց շրջակա միջավայրում և որպես երկրի ապագա դեսպաններ, այս ծրագրի շնորհիվ երեխաները կսովորեն ավելին՝ լայնացնելով իրենց մտահորիզոնը: Մենք կարող ենք նրանց սովորեցնել այլ վայրերի մասին, եթե ցույց տանք, պատմենք և տանենք նրանց այնտեղ: