Հայ աղջիկների առաջնորդությունը ֆուտբոլում /այսուհետ՝ ՀԱԱՖ/ հիմնադրվել է 2015 թ.-ին, այն բանից հետո, երբ Հայաստանի ֆուտբոլի ֆեդերացիան, պատճառաբանելով բյուջեի կրճատումները, դադարեցրեց կանանց ազգային հավաքականի ֆինանսավորումը: Կարճ ժամանակաընթացքում ՀԱԱՖ-ը կամավորների օգնությամբ Գորիսում մեկնարկեց Հայաստանում առաջին աղջիկների ֆուտբոլային լիգան, այնուհետև լիգաներ ստեղծվեցին Ալավերդիում, Դիլիջանում եւ Եղեգնաձորում, որոնք ընդգրկում են ընդհանուր առմամբ 284 աղջիկ:

2018 թ-ի ՀԱԱՖ-ը նախատեսում է Կոտայքի մարզում մեկնարկել աղջիկների ֆուտբոլի մրցաշար: Հաշվի առնելով աղջիկների համար սպորտի և հասարակության մեջ ինտեգրվելու հարմարությունների ու հնարավորությունների սղությունը, ՀԱԱՖ -ը աշխատելու է երիտասարդ աղջիկների հետ՝ նպատակ ունենալով սպորտի միջոցով փոխել կնոջ դերի վերաբերյալ պատկերացումները հասարակության մեջ:

Մրցաշարից առաջ, «Հասարակական ազդեցություն սպորտի միջոցով» թեմայով երկու մեկօրյա դասընթացներ կանցկացվեն, որոնք կներառեն 30 տեղական մարզիչներ, ՀԿ-ների անդամներ, ֆիզիկական դաստիարակության ուսուցիչներ, ինչպես նաև 30 երիտասարդներ աղջիկների (12-15 տ.): Այս դասընթացի արդյունքում շուրջ 60 երիտասարդ ծրագրի միջոցով կստանան թիմային աշխատանքի, առաջնորդության, հանդուրժողականության ու գենդերային հավասարության վերաբերյալ գիտելիքներ ու հմտություններ։

Ամռանը Կոտայք մարզի 5 համայնքների 14-16 տարեկան աղջիկների համար կանցկացվի առաջնորդության ամառային ճամբար, որը կտևի 3 օր և կընդգրկի ֆուտբոլի տեխնիկական վարժություններ, դասընթացներ առաջնորդության, մարդու իրավունքների, հավասարությանը և քաղաքացիական ակտիվության մասին։ Ճամբարի և դասընթացների արդյունքում կընտրվեն 1 տեղական համակարգող և 5 մարզիչ, ովքեր մեկամյա պայմանագիր կնքելուց հետո թիմեր կկազմեն իրենց համայնքներում, որոնք բաղկացած կլինեն 9-15 աղջիկներից (12-17 տ.): Առաջին մրցաշարային մրցաշրջանը կմեկնարկի 2018 թ սեպտեմբեր-հոկտեմբերի ամիսներին:

Այս ծրագիրը միայն ֆուտբոլ խաղալու մասին չէ: Այն ոչ միայն առողջ ապրելակերպի հնարավորություն է ընձեռում, այլ նաև զարգացնում է որոշումներ կայացնելու և առաջնորդ լինելու հմտոությունները՝ աղջիկներին տալով ինքնավստահություն և ձայնի իրավունքի գիտակցում:

Ծրագիրն իր երկարաժամկետ ազդեցությունը կունենա Կոտայքի շուրջ 300 երիտասարդների, ծնողների և մարզիչների վրա:

Միացե՛ք մեզ և Այո՜ ասե՛ք Հայաստնի ուժեղ և անկախ կանանց նոր սերնդին: