Կրթության հնարավորությունը կարևոր նախապայման է յուրաքանչյուր ընտանիքի համար: Չնայած նրան, որ Հայաստանում պետական դպրոցները անվճար են, վերջիններս ուսուցիչների և դասավարման համար անհրաժեշտ դասասենյակների պակաս ունեն։ Արդյունքում աշակերտները զրկվում են հավասարապես որակյալ կրթություն ստանալու հնարավորությունից։ Այս խնդիրը հատկապես արդիական է Երևանից դուրս գտնվող դպրոցների համար։

«Դասավանդի՛ր Հայաստան»-ը, որը հանդիսանում է «Դասավանդի'ր բոլորի համար»-ի (Teach for All) անդամ, նպատակ ունի լուծել այս խնդիրը և աշակերտներին ապահովելով հավասարազոր կրթվելու հնարավորություն, հավաքագրելով երիտասարդ մասնագետների, ովքեր ամենաքիչը երկու տարի կդասավանդեն համայնքային դպրոցներում: Երեք տարվա ընթացքում «Դասավանդի՛ր, Հայաստան» նախագծի շրջանակներում, տասնյակ երիտասարդներ` աշխարհագրության, կենսաբանության, ֆիզիկայի, քիմիայի և անգլերեն լեզվի ուսուցիչներ, լրացրեցին այս բացը Հայաստանի մարզեր բերելով բարձրորակ կրթություն:

Լուսինե Վարդումյանը դասավանդում է Արմավիր մարզի Գետաշեն գյուղի դպրոցում: Գյուղը Երեւանից 70 կմ հեռավորության վրա է գտնվում, թուրքական սահմանին մոտ: Շատ ընտանիքներ արտագաղթել են գյուղից, ինչը կրճատել է ներկայիս բնակչության թիվը` 2704-ից դարձնելով 1900: Չնայած գյուղը փոքր է, դպրոցը համեմատաբար մեծ թվով աշակերտներ ունի. Ընդհանուր 248 հոգի, որոնցից 98-ը անցնում են ֆիզիկայի և քիմիայի կանոնավոր դասընթացներ: Մինչ դպրոցը չունի որևէ ընթացիկ գիտական լաբորատորիա, բնագիտական այս առարկաները միայն տեսականորեն են դասավանդվում: Սա ազդում է բնագիտական առարկաների հանդեպ աշակերտների հետաքրքրության վրա և արդյունքում շատ քիչ քանակությամբ շրջանավարտներ են շարունակում ուսումը բնագիտության ոլորտում։ Լուսինեն նպատակ ունի այս դպրոցում ֆիզիկայի և քիմիայի լաբորատորիա հիմնել, որպեսզի աշակերտները հնարավորություն ունենան սովորել առարկաները սեփական փորձարկումների հիման վրա:

Վեներա Աբովյանը «Դասավանդի՛ր, Հայաստան»-ի ծրագրում ընդգրկված մեկ այլ երիտասարդ է, ով Արագածոտն մարզի Շամիրամ գյուղի դպրոցում կենսաբանություն և քիմիա է դասավանդում: Շամիրամ գյուղի բնակչությունը կազմում է 2144 մարդ, որոնցից 91-ը դպրոցական տարիքի երեխաներ են (7-17 տարեկան): Տարիներ շարունակ դպրոցի երեխաները կենսաբանության և քիմիայի դասընթացներ չեն ունեցել ուսուցիչ չունենալու պատճառով։ Հետո հայտնվեց Վեներան: Վեներան նշում է, որ երեխաների համար շատ դժվար է այս երկու ամբողջովին տարբեր, նոր առարկաները սովորել միայն դասագրքերով, առանց լաբորատորիայի, որտեղ նրանք ամեն ինչ կարող էին տեսնել գործնական աշխատանքի և փորձարկումների միջոցով: Վեներայի կարծիքով լաբորատորիաների առկայությունը նշանակալից ներդրում կլինի դպրոցական երեխաների կրթության բարելավման հարցում:

«Այո»-ն որոշեց համագործակցել Լուսինեի և Վեներայի հետ` օգնելով նրանց հասնել ընդհանուր նպատակի: Այս երկու դպրոցներում բնագիտական լաբորատորիաներ կառուցելով «Այո»-ն կնպաստի երեխաների բարձրորակ կրթության ապահովմանը: Լաբորատորիաները կօգնեն երկու դպրոցների ռեսուրսների բարելավմանը և կմեծացնեն կրթության ծարավ ունեցող երեխաների հետաքրքրությունը: Արդյունքում շատերը հնարավոր է և հետագայում ընտրեն հենց բնագիտության ասպարեզը և իրենց ներդրումը ունենան Հայաստանի զարգացման մեջ:

Միացե՛ք մեզ և ասեք Այո՛ երեխաների լուսավոր կրթական հեռանկարներին: