Այս տարի ևս մենք ուզում ենք արթնանալ Սուրբ Ծննդի առավոտյան՝ ուրախանալով ոչ միայն մեր ընտանիքների ներսում, այլև հանգիստ լինել, որ Հայաստանի հեռավոր գյուղերի սոցիալապես անապահով ընտանիքների փոքրիկները ևս հրաշալի ու ուրախ օր ունեն:

Հայ Օգնության Ֆոնդը 2014 թվականից Հայաստանի տարբեր մարզերում իրականացրել է Շոկոլադի Բանկ հրաշալի ծրագիրը, որին 2017-ից միացել է նաև Այո-ն:

Այս տարի մենք այցելելու ենք Գեղարքունիքի մարզի ամենացուրտ կլիմայական պայմաններ ունեցող գյուղեր՝ Մեծ Մասրիկ, Ակունք, Սոթք, Տրետուկ, Կուտական, Փամբակ, Դարանակ, Փոքր Մասրիկ, Գեղամասար, Արեգունի, Կախական, Շատջրեք, Արփունք և Ավազան, որոնց մանկապարտեզների 353 երեխաների համար տոնական և քաղցր տրամադրություն ենք ապահովելու, ինչպես նաև նրանց համար տաք ու հարմարավետ անկողնային պարագաներ ենք տանելու, որ նրանք ձմեռային ցուրտ օրերին ջերմ ու անհոգ քուն ունենան:

Այս մանկապարտեզներն ունեն քիչ թե շատ լավ պայմաններ: Երեխաններն այստեղ են անցկացնում օրվազ գալի մասը: Նրանք մանկապարտեզում սնվում են, խաղում են, զարգանում, գիտելիքներ ստանում, ինչպես նաև հանգստանում են ու քնում: Մանկապարտեզները, սակայն, անկողնայինպարագաների՝ ներքնակների, վերմակների, բարձերի և սպիտակեղենի խիստ կարիք ունեն, իսկ խնդիրը՝ պետք է շուտափույթ լուծել։ Վերմակները հին են ու բարակ, իսկ սպիտակեղենը խսիտ հնամաշ։

Ծրագիրը կօգնի, որպեսզի Գեղարքունիքի մարզի երեխաներն անպայման վայելեն իրենց Սուրբ Ծննդյան հրաշքը, ինչպես նաև էլ ավելի բարեկեցիկ պայմաններ կստեղծի նրանց ցերեկային քնի համար, որն այդ տարիքի երեխաների ճիշտ զարգացման կարևոր բաղադրիչներից է: