Շուտով Սուրբ Ծնունդ է, և մինչ մենք նվերներ ենք ընտրում մեր սիրելիների համար, զարդարում ենք եղևնին և կանխագուշակում ենք սպասվող անակնկալները, պետք է հիշենք, որ մեր կողքին կան երեխաներ, ովքեր անգամ չեն սպասում տոնական հրաշքի, երեխաներ, ովքեր չեն ստանում նվերներ Ձմեռ Պապից:

Երեխաներին տոն պարգևելու ﬔծ ձգտում ունենալով Հայ օգնության ֆոնդը երեք տարի շարունակ իրականացրել է Շոկոլադի Բանկ ծրագիրը։ Այս տարի Այո-ն ևս ﬕացել է այս գեղեցիկ նախաձեռնությանը։ World Vision Armenia-ի Լոռու Մարզի ﬔր գործընկերների օգնությամբ ﬔնք առանձնացրել ենք Յաղդան, Պրիվոլնոյե, Միխայլովկա, Գյուլաքարակ և Պուշկինո գյուղերի սոցիալապես դժվար իրավիճակում գտնվող ընտանիքների շուրջ 355 երեխաների, ում այս տարի կայցելեն Հայ օգնության ֆոնդի և Այո-ի Ձմեռ Պապերը։

Նախատոնական ողջ ամսվա ընթացքում մենք կհավաքագրենք շոկոլադ, ինչպես նաև գումար՝ երեխաներին ձմեռային կոշիկ ու բաճկոն նվիրելու համար: Սաստիկ ցրտին ծնողները երեխաներին դպրոց չեն ուղարկում՝ անհրաժեշտ տաք հագուստ չունենալու պատճառով, ուստի մենք ուզում ենք վստահ լինել, որ երեխաները Նոր Տարին կսկսեն նոր ձմեռային կոշիկներով, բաճկոններով և այլ անհրաժեշտ ձմեռային իրերով:

Այսօր դուք էլ ունեք նրանց Սուրբ Ծննդյան հրաշք պարգևելու հնարավորությունը։ Միացե՛ք մեր ուրախ ծրագրին՝ նվիրելով կոնֆետներ կամ աջակցելով մեզ՝ նրանց համար տաք հագուստ գնելու գործում:

Շոկոլադ նվիրաբերելու համար այօրվանից սկսած մինչ դեկտեմբերի 25-ը, երկուշաբթիից ուրբաթ, ժ. 09:00-18:00-ը կարող եք այցելել մեր գրասենյակ: Հասցե՝ Հայ Օգնության Ֆոնդ, Մ.Խորենացի 22, Երևան։