Չնայած այն բանի, որ աղքատությունը պատճառ չի հանդիսանում Տավուշի մարզի Բերդի տարածաշրջանի երեխաների դպրոցից դուրս մնալուն, այն շարունակում է լուրջ խնդիր մնալ տարածաշրջանում, ինչն էլ շատ ընտանիքների համար դժվարություն է ստեղծում՝ երեխաների համար անհրաժեշտ դպրոցական պարագաներ գնելու հարցում ։ Այս դժվարությունները հաղթահարելու համար ծնողները սովորաբար պարտքով գումար են վերցնում, որպեսզի կարողանան իրենց երեխաներին ուղարկեն դպրոց։ Մեր ծրագրի նպատակն է ապահովել 2017-2018 ուսումնական տարվա ընթացքում առաջին դասարան հաճախող երեխաներին անհրաժեշտ դպրոցական պայուսակով և գրենական իտույքներով, որն էլ կօգնի իրենց անցկացնել հաջող ուսումնական տարի դպրոցում, ինչու չէ օգտագործել իրերի մեծ մասը նաև հաջորդ տարիներին։

Համաձայն որոշ տվյալների, Տավուշի մարզի Բերդ տարածաշրջանի 16 գյուղում կա 328 վեց տարեկան երեխա, որոնք 2017թ. սեպտեմբերի 1-ին հաճախելու են առաջին դասարան։ Ընդամենը յուրաքանչյուր երեխայի համար 15 ԱՄՆ դոլարի համարժեք դրամով մենք կկարողանանք տրամադրել բարձրորակ պայուսակ, տետրեր, գրիչներ, մատիտներ, քանոն, ռետին, գունավոր թղթեր, նկարչական ալբոմ, ինչպես նաև ջրաներկ և վրձին։ Այս ամենը երեխաները իհարկե կարող են օգտագործել նաեւ գալիք տարիներին, որն էլ իրենց կօգնի ավելի սիրով և աշխատասիրությամբ սովորել դպրոցում։ Ձեր հանգանակությունը ապագայի նոր դռներ կբացի երեխաների համար։