«Էմիլի Արեգակ» կենտրոնը դոնորների աջակցության շնորհիվ անվճար տրամադրում է թերապիայի ծրագրեր հատուկ կարիքներով երեխաների։ Կենտրոնը գտնվում է Գյումրիում և 2025 թվականին նշում է իր գործունեության 10-ամյակը։

Ցավոք, Հայաստանում դեռ շատ խարան կա հաշմանդամության թեմայով։ Տարբեր հատուկ կարիքներ ունեցող մարդիկ հաճախ պարտադրանք են զգում իրենց լիարժեք չհամարելու, և ծնողներին (հատկապես մայրերին) հաճախ մեղադրում են իրենց երեխաների դժվարությունների համար:  Մեկուսացումը, դեպրեսիան և անհանգստությունը սովորական զգացողություններ են հաշմանդամություն ունեցող մարդկանց ընտանիքներում:

Այս ամենին զուգահեռ կա նաև «Էմիլի Արեգակը», որը ոչ միայն ներկա իրավիճակին մարտահրավեր նետելու և ընտանիքների կողքին լինելու դեր ունի, այլև իրերի դրությունը շրջելու, ցույց տալու, որ հաշմանդամություն ունեցող մարդիկ իրականում ունեն արժանապատվություն և կարողություններ, որոնք պետք է բացահայտել և զարգացնել։ «Էմիլի Արեգակում» պոտենցիալը ծաղկում է խրախուսող և պրոֆեսիոնալ մասնագետների շնորհիվ։ Ինչպես նաև «Էմիլի Արեգակում» այն տեղն է, որտեղ ծնողները սկսում են տեսնել իրենց երեխաներին նոր լույսի ներքո:

Ի լրումն ֆիզիկական և մասնագիտական, խոսքի, արվեստի և երաժշտական թերապիաների, երեխաները (և նրանց ծնողները) ունեն նաև երեք զարմանահրաշ հոգեբան: Մենք բոլորս գիտենք, թե որքան կարևոր է այն մեկը, ում հետ կարող ենք խոսել, ով մեզ կարող է հմտություններ տալ՝ հաղթահարելու դժվարությունները, և տեսնել մեր իրավիճակները այլ դիտանկյունից։

Ի պատիվ «Էմիլի Արեգակի» 10-ամյակի՝ «Այո'»-ն հպարտ է օգնելու ֆինանսավորել մեկ տարվա հոգեբանական աջակցությունն այն ընտանիքներին, որոնց կենտրոնը ծառայում է:

«Էմիլի Արեգակը» ղեկավարում է «Կարիտաս Արեգակ» հիմնադրամ, որը Հայաստանում հաշմանդամություն ունեցող անձանց ներառման թեմաների վերաբերյալ ներկա նորմերը փոխելու ավելի հեռավար նպատակ ունի։ Բացի իր թերապիայի կենտրոնից, հիմնադրամը ղեկավարում է «Արեգակ» հացաբուլկեղենը, որը Հայաստանում միակ սրճարանն է, որը վերապատրաստման և աշխատանքի հնարավորություն է տալիս հատուկ կարիքներ ունեցող երիտասարդներին, ինչպես նաև նրանց ընտանիքի անդամներին: 2025 թվականին հիմնադրամը կբացի նաև իր երկրորդ սոցիալական ձեռնարկությունը՝ «Կանաչ Արեգակը», որը հաշմանդամություն ունեցող երիտասարդներին գյուղատնտեսությունում ներգրավվելու և լոլիկ աճեցնելու հնարավորություն է տալու։